Bolt უკრაინის მხარდასაჭერად 5 მილიონი ევროს დონაციას აკეთებს.

March 04, 2022

გაზიარება
bolt

უკრაინელი ხალხის მხარდასაჭერად, Bolt-ის ყოველი შესრულებული შეკვეთიდან ევროპის რეგიონში, 5%-ს უკრაინის დამხმარე არასამთავრობო ორგანიზაციებში, მათ შორის, წითელი ჯვრის საზოგადოებაში გადავრიცხავთ. მომავალი ორი კვირის განმავლობაში 5 მილიონ ევროს შევაგროვებთ. პირველი 1 მილიონი ევრო კი, უკვე გადავრიცხეთ.

თუ თქვენ წარმოადგენთ კომპანიას, რომელიც დაინტერესებულია ჩვენთან ერთად ამ აქტივობაში ჩართვით, ან ხართ არასამთავრობო ორგანიზაცია, რომელსაც დახმარება სჭირდება, მოგვწერეთ მეილზე aid-ukraine@bolt.eu.

დამატებით, კომპანიის მხრიდან უკვე გადაიდგა შემდეგი ნაბიჯები:

  • ჩვენ შევაჩერეთ Bolt-ის ოპერირება ბელარუსში;
  • გავაუქმეთ Bolt Business თანამშრომლობა რუსული კომპანიების საკუთრების ქვეშ არსებულ იურიდიულ პირებთან საქართველოში;
  • შევწყვიტეთ რუსული წარმოების პროდუქტების გაყიდვა Bolt Market-ში. გაყიდვიდან ამოღებული პროდუქცია ქველმოქმედებას მოხმარდა.

ტრანსპორტირების ხელშეწყობა უკრაინაში

ყველაფერს ვაკეთებთ იმისთვის, რომ უკრაინაში ჩვენმა სერვისებმა ფუნქციონირება განაგრძონ, რათა ამ რთულ ვითარებაში მოქალაქეებს გადაადგილების შესაძლებლობა არ შეეზღუდოთ.

გასულ კვირას უკრაინაში ყველა ჩვენი მომსახურების საკომისიო ნულამდე შევამცირეთ. ასევე, მოვუწოდებთ ჩვენს მძღოლებს პოლონეთსა და სლოვაკეთში, განახორციელონ მგზავრობები უკრაინის საზღვრებიდან, რათა მოქალაქეები დანიშნულების ადგილზე უსაფრთხოდ მივიდნენ.

უკრაინული გუნდის მხარდაჭერა

ვცდილობთ ყველაფერი გავაკეთოთ უკრაინაში ჩვენი თანამშრომლებისა და მათი ოჯახების უსაფრთხოების უზრუნველსაყოფად და ვუკავშირდებით ჩვენს მეგობრებსა და კოლეგებს, რათა ჩვენს მხარდაჭერას მუდმივად გრძნობდნენ.

ვიმედოვნებთ, რომ Bolt-ის ყველა თანამშრომელი, ათიათასობით მძღოლი, კურიერი, თუ პარტნიორი რესტორანი და ყველა, ვინც უკრაინაში იმყოფება უსაფრთხოდ დარჩება.

ერთად დავუჭიროთ მხარი უკრაინას. 💙💛

Bolt-ის გუნდი

გაზიარება

ბოლო პოსტები

Seedbolts

Bolt Seedballs Kenya-სთან პარტნიორობით +11 მილიონ ხეს რგავს

April 21, 2022

როგორ უჭერენ მხარს ბოლტის თანამშრომლები უკრაინელ ხალხს

April 18, 2022

Bolt Ukraine Bolt Spende

Bolt-მა €3M გაიღო უკრაინის მხარდამჭერი ორგანიზაციებისთვის. მომავალში მეტის გადარიცხვა იგეგმება

March 15, 2022