2022 წლის 6 პოპულარული ბენეფიტი თანამშრომლებისთვის

January 31, 2022

გაზიარება
Popular employee benefits that will help to hire and retain top staff

ადრე თუ ტოპ ტალანტის მოზიდვა და შენარჩუნება გსურდათ, მისთვის შესაბამისი ანაზღაურება უნდა გადაგეხადათ. თუმცა თანამშრომელთა მოტივაციები, ისევე როგორც ხელფასები, შეიცვალა და ახლა სხვადასხვა ტიპის ბენეფიტი უფრო მნიშვნელოვან როლს თამაშობს კარიერული გადაწყვეტილებების მიღებაში. 

კომპანიის მიერ შესათავაზებელი ბენეფიტების თემა შეიძლება ზერელედ ჟღერდეს, თუმცა მათი არარსებობა ან ნაკლებობა ხშირად დიდ გავლენას ახდენს კომპანიის წარუმატებლობაზე ტოპ ტალანტის მოძიებისას. თანამშრომელთა წახალისების უგულებელყოფა გავლენას ახდენს ასევე მათი შენარჩუნების მაჩვენებელზე, კომპანიის კულტურასა და პროდუქტიულობაზე. ზოგიერთი წახალისება საგადასახადო შეღავათებსაც კი უკავშირდება! გაეცანით 6 საუკეთესო ბენეფიტს, რომლებიც შეგიძლიათ შესთავაზოთ თქვენს თანამშრომლებს 2022 წელს.

სახლის ოფისით/ტექნიკით უზრუნველყოფა 

თანამშრომლები, რომლებიც უფრო პროდუქტიულად მუშაობენ სახლიდან, დააფასებენ შესაძლებლობას, გახადონ სამუშაო ადგილი უფრო კომფორტული. თუნდაც ერგონომიული სკამით, დამატებითი ეკრანით ან ლეპტოპის სადგამით უზრუნველყოფა ნამდვილად დაგეხმარებათ ამ წახალისებაში.

პანდემიის დასაწყისში Google-მა თავის თითოეულ თანამშრომელს $1000 მისცა სახლის საოფისე აღჭურვილობისთვის. და კიდევ ბევრი კომპანია მიჰყვა მის მაგალითს – მათ შორის Bolt-იც. ჩვენ შედეგად მივიღეთ პროდუქტიულობის, სამუშაოს შესრულების სიჩქარისა და ხარისხის ზრდა, ასევე თავიდან ავირიდეთ ჯანმრთელობის გაუარესების შემთხვევების ზრდა, რაც არაოპტიმალურ სამუშაო პირობებს შეიძლება გამოეწვია.

მოქნილი სამუშაო გრაფიკი

გარდა ცალკეული ინდუსტრიებისა და სამუშაო სფეროებისა, თითქმის უჩვეულოა, როდესაც კომპანიები არ აკმაყოფილებენ მოქნილ სამუშაო გრაფიკს და არ ზრუნავენ სამუშაო-ცხოვრების ბალანსის დაცვაზე. ვინაიდან სამსახური ჩვენი ცხოვრების დიდი ნაწილია, მოქნილი სამუშაო საათები გახდა ერთ-ერთი მთავარი უპირატესობა. თანამშრომლებს უნდა შეეძლოთ გასვლა დღის მეორე ნახევარში, რათა გამოიყვანონ შვილი საბავშვო ბაღიდან, ისეირნონ ფეხით Zoom-ზარებს შორის, ან მიირთვან ყავა მეგობართან ერთად აჩქარების გარეშე.

მენტალური ჯანმრთელობის მხარდაჭერა

დასაქმებულის მენტალური ჯანმრთელობის მდგომარეობას პირდაპირი გავლენა შეიძლება ჰქონდეს მათ ფიზიკურ ჯანმრთელობაზე, ურთიერთობებსა და სამუშაოს შესრულების ხარისხზე, ამიტომ ბევრი კომპანია ეძებს ისეთ პროგრამებს, რომლებიც გვთავაზობენ მენტალური ჯანმრთელობის მხარდაჭერას თანამშრომლებისთვის.

ეს პროცესი უნიკალურია თითოეული კომპანიისთვის: ზოგი არჩევანს საკონსულტაციო პაკეტებზე აჩერებს, რათა თანამშრომლებმა რეგულარულად შეძლონ მენტალური ჯანმრთელობის ლიცენზირებულ პროფესიონალთან ვიზიტი, ზოგი კი ყოველთვიური თვითმოვლის სერვისებს ანიჭებს უპირატესობას. ეს საშუალებას აძლევს თითოეულ თანამშრომელს აირჩიოს მათთვის უფრო შესაფერისი აქტივობა: ვარჯიში, განტვირთვა სპაში, ვიზიტი ლიცენზირებულ თერაპევთან თუ სხვ.
მენტალურ ჯანმრთელობაზე ზრუნვის წახალისება კომპანიას მრავალი სარგებლის სახით უბრუნდება კვლავ თანამშრომლებისგან. 

კარიერის განვითარების პროგრამები

დღეს დასაქმებულებმა იციან, რომ ცოდნა თავისთავად არის ქონება. ხოლო თანამედროვე ტექნოლოგიების სამყაროში, როცა ინდუსტრიები უფრო სწრაფად მოძრაობენ, ვიდრე ოდესმე, მნიშვნელოვანია, უწყვეტად განვაგრძოთ განვითარება, რათა შევინარჩუნოთ მოწინავე პოზიცია ჩვენ-ჩვენს სფეროში.

ისეთ კომპანიაში მუშაობა, რომელსაც სურს, ინვესტიცია ჩადოს თავის თანამშრომლებში, ძალიან მიმზიდველია ბევრი ნიჭიერი პროფესიონალისთვის. ადგილობრივ დაწესებულებაში სწავლის ან ონლაინ კურსების გავლის შეთავაზება კომპანიის მხრიდან ერთ-ერთი ყველაზე სასურველი ბენეფიტია თანამშრომლისთვის. თუ თქვენ შესთავაზებთ დასაქმებულებს სხვადასხვა გზას კვალიფიკაციის ასამაღლებლად, თქვენი კომპანია დიდ სარგებელს მოიმკის მოტივირებული თანამშრომლებისგან.

შვებულების მეტი დრო

მნიშვნელოვანია, რომ თქვენი გუნდის წევრებს ჰქონდეთ დასვენების შესაძლებლობა. ამისათვის კი საუკეთესო გზა მათთვის ფასიან შვებულებაში მეტი დღის შეთავაზებაა.

გარდა იმისა, რომ სთავაზობთ ანაზღაურებად დასვენებას, აუცილებლად წაახალისეთ თქვენი გუნდის წევრები, რომ  გამოიყენონ ეს დღეები. როდესაც ისინი შვებულებიდან დაბრუნდებიან, თავს ენერგიით, ენთუზიაზმითა და მოტივაციით სავსედ იგრძნობენ.

გადაადგილების მხარდაჭერა

დასაქმებულთათვის შესათავაზებელი ბენეფიტების სიის სათავეში კიდევ ერთი პოპულარული ტენდენცია, გადაადგილების მხარდაჭერაა.

Bolt-ში ჩვენ გთავაზობთ საიმედო ტრანსპორტს ხელმისაწვდომ ფასად 45 ქვეყნის 300-ზე მეტ ქალაქში. Bolt Business გუნდის ანგარიშზე დარეგისტრირებით, მენეჯერებს შეუძლიათ, შესთავაზონ თანამშრომლებს ყოველთვიური დაფინანსება Bolt მგზავრობებისთვის. Bolt Business ასევე ფანტასტიკური საშუალებაა თანამშრომლების შესანარჩუნებლად.

მულტიფუნქციური მართვის პანელი საშუალებას გაძლევთ, დააყენოთ ხარჯვისა და გამოყენების რაოდენობრივი ლიმიტები თითოეული თანამშრომლისთვის, ამით თქვენი გუნდის წევრებს დაეხმარებით, კომფორტულად მივიდნენ ნებისმიერი დანიშნულების ადგილას. დაიწყეთ Bolt Business-ით სარგებლობა დღესვე,  რათა კიდევ უფრო წაახალისოთ თქვენი თანამშრომლები.

გაზიარება

ბოლო პოსტები

მგზავრობის დამჯავშნი: დაჯავშნე მგზავრობები შენი გუნდისთვის

June 27, 2022

Seedbolts

Bolt Seedballs Kenya-სთან პარტნიორობით +11 მილიონ ხეს რგავს

April 21, 2022

როგორ უჭერენ მხარს ბოლტის თანამშრომლები უკრაინელ ხალხს

April 18, 2022