Მგზავრობა შინაურ ცხოველებთან ერთად

January 25, 2021

Share

შესაძლოა შენი ცხოველისთვის ის ფაქტი, რომ ავტომობილის მართვის პროცესში ხარ მეორეხარისხოვანია იმასთან შედარებით, რომ მას შენთან თამაში სურს. ცხოველებთან ერთად მგზავრობა ძალიან კარგი, თუმცა ამავდროულად საკმაოდ რთულია!

ჩვენთვის, როგორც კომპანიისთვის, რომელიც ცხოველებთან მგზავრობის სერვისს გთავაზობთ, ძალიან მნიშვნელოვანია ოთხფეხა მეგობრების უსაფრთხოება Bolt-ით მგზავრობისას. აქედან გამომდინარე, გთავაზობთ შედარებით უსაფრთხო მგზავრობისთვის რამდენიმე სასარგებლო რჩევას.

ძაღლის სავარძელი

ცნობისმოყვარე ძაღლებისთვის, რომლებსაც უყვართ ფანჯრიდან ცქერა, სპეციალური სავარძელი  მათი უსაფრთხოების საუკეთესო საშუალებაა. ცხოველის გადამზიდი შედარებით მცირე ზომის ძაღლებისთვისაა გათვლილი (10-15 კგ) და მოიცავს აწეულ ბალიშს. მისი ავტომობილის სავარძელზე დამაგრება შესაძლებელია სხვადასხვა მარეგულირებელი ქამრით. შინაური ცხოველის სრული უსაფრთხოებისთვის უმჯობესია ისეთი მოდელის შერჩევა, რომელშიც საბელი არის დამონტაჟებული.

უსაფრთხოების გარდა შინაურ ცხოველებს უყვართ ეს სავარძელი კომფორტულობისა და სტილის გამო. მარკეტზე წარმოდგენილი მრავალი მოდელი მსუბუქი, ტრანსპორტირებისთვის მოსახერხებელი, დასაკეცი დიზაინის მქონეა და მათი სარეცხ მანქანაში გარეცხვაც კი არის შესაძლებელი.

ძაღლის სამგაზვრო გალია

Სამგზავრო გალია ყველა ზომის ძაღლისთვისაა განკუთვნილი, თუმცა საუკეთესო ვარიანტია იმ შინაური ცხოველებისთვის, რომლებიც მიჩვეულები არიან მას. დარწმუნდი, რომ შენს მიერ შერჩეულ მოდელს აქვს სავენტილაციო სისტემა, აქვს საკმარისი სივრცე მოძრაობისთვის, თუმცა არც ისეთი დიდი, რომ მისი უსაფრთხოება უზრუნველყოს. გამგზავრებამდე დაამაგრე გალია ღვედებით, რათა არ ჩამოცურდეს სავარძლიდან.

კიდევ ერთი ფაქტორი, რომელიც უნდა გაითვალისწინო გალიის შეძენისას: გადამზიდი უნდა იყოს დატესტილი და სერთიფიცირებული, ხოლო კარი შეჯახების შემთხვევაში უნდა დარჩეს დაკეტილ მდგომარეობაში. როგორც წესი, ცხოველებისთვის განკუთვნილი ყუთები, რომლებიც მზადდება სახლისა და ფრენისათვის, არ შეესაბამება ამ მოთხოვნებს, ამიტომ შეეცადე მოძებნო გამძლე, დატესტილი მოდელები.

ძაღლის ღვედი

მეტი უსაფრთხოებისთვის შინაური ცხოველებისთვისაც აუცილებელია ღვედი. ეს არის რეგულირებადი ღვედი შესაკრავით, რომელიც ნებისმიერი სტანდარტული უსაფრთხოების ღვედის ბუდეში საიმედოდ დასაფიქსირებლად არის შექმნილი. გალიისა და სავარძლისგან განსხვავებით მისი ჩანთით გადატანა ძალიან მარტივია.

ბოლო პერიოდში შეიქმნა ძაღლებისთვის განკუთვნილი უსაფრთხოების ღვედის ალტერნატიული ვარიანტი “zip line harness”.  ის შექმნილია ავტომობილის უკანა ნაწილში სახურავიდან გამავალი ღვედის სახით და კარგად მაგრდება მგზავრის ადგილის მხარეს განთავსებული კარის სახელურზე. ეს მოდელი პოპულარულობით სარგებლობს მარტივი დიზაინისა და ძაღლების უკანა სავარძელზე საიმედოდ შეკავებისთვის, რომელიც ასევე მობილურობასაც ინარჩუნებს.

სამწუხაროდ, მიუხედავად იმისა, რომ ეს პროდუქტი ეფექტურია ცხოველების უკანა სავარძელზე შესაკავებლად, ის არც თუ ისე უსაფრთხოა. აღმოჩნდა, რომ ეს მოდელი კი არ იცავს ძაღლს, არამედ შეჯახებისას უფრო სწრაფად მიმართავს მას წინ.

ძაღლის მანქანის აღჭურვილობა

ღვედების უმეტესობა ძაღლის სავარძელზე შესაკავებლადაა შექმნილი და ყოველთვის არ უზრუნველყოფს მის უსაფრთხოებას შეჯახებისას. კარგი უსაფრთხოების ღვედისა და შესაბამისი აღჭურვილობის შერწყმით შენ შეძლებ შინაური ცხოველის უსაფრთხოების შენარჩუნებას!

გაითვალისწინე შემდეგი:

  • უსაფრთხოების ღვედის სამაგრი: ზოგი აღჭურვილობა იყიდება ნაკრების სახით ღვედთან ერთად, ნაწილი კი ცალკე პროდუქტად. ნებისმიერ შემთხვევაში, თან იქონიე და შენი ძაღლიც დაცული იქნება.
  • ზომა: შეარჩიე აღჭურვილობა ძაღლის გულმკერდის, კისრისა და სიგრძის მიხედვით, რომ კარგად მოარგო.
  • კონსტრუქცია და კომფორტი: მიაქციე ყურადღება ისეთ თავისებურებებს, როგორებიცაა: დამატებითი ფენა გულ-მკერდის არეში, რომელიც დაიცავს მას ხახუნისაგან, მყარი ნაკერები და მატერია. მაღალი ქულით შეგვიძლია შევაფასოთ პროდუქტი, თუ მწარმოებელი უვადო გარანტიასაც იძლევა.
  • არის თუ არა ის დატესტილი ავარიულ შემთხვევებზე: შინაური ცხოველების უსაფრთხოების ცენტრმა 11 პოპულარული ბრენდის ღვედი დატესტა და მხოლოდ 3 აღმოჩნდა სერთიფიცირებული CPS-ის სტანდარტების მიხედვით. შესაძლოა დატესტილი ღვედი შედარებით ძვირი აღმოჩნდეს, თუმცა ეს ამად ღირს, როდესაც საქმე საყვარელი ოთხფეხა მეგობრის უსაფრთხოებას ეხება.

არ დაგავიწყდეს კატა!

კატის ხარისხიანი გადამზიდი უზრუნველყოფს კომფორტსა და უსაფრთხოებას იმ კატებისთვისაც კი, რომლებიც გამოირჩევიან ჭირვეული ხასიათით. შეიძინე მყარი, ფართო გადამზიდი, რომ შენს კატას შეეძლოს მასში მოძრაობა. მისი ძირი დაფარე ბალიშით ან რბილი ზედაპირით, რომელიც არ ჩამოცურდება ტრანსპორტირებისას. დაამატე პლედი, მისი საყვარელი სათამაშოები, რათა კატამ თავი კომფორტულად და უსაფრთხოდ იგრძნოს.

მთავარი დასკვნა, რომელიც უნდა გამოიტანო არის ის, რომ ყველა ეს მოწყობილობა იყოფა ორ კატეგორიად: იცავს ყურადღების გაფანტვისგან ან შეჯახებისაგან.  საუკეთესო შემთხვევაში შენ ორივე დაგჭირდება, რათა ოთხფეხა მეგობართან ერთად უსაფრთხო მგზავრობა შეძლო.

იმგზავრე Bolt-ით

იცოდი, რომ Bolt ცხოველებთან ერთად მგზავრობის შესაძლებლობას იძლევა? თუ შენს ოთხფეხა მეგობართან ერთად მგზავრობ აარჩიე “Pet” კატეგორია. არ დაგავიწყდეს უსაფრთხოებისთვის საჭირო ნივთებისა და პლედის წამოღება, რომელიც მას სითბოსა და კომფორტში ამყოფებს.

Share

ბოლო პოსტები

უანგარო სიყვარული ოთხფეხა მეგობრებისგან

უანგარო სიყვარული ოთხფეხა მეგობრებისგან

February 18, 2021

Bolt Food Georgia

Bolt Food პარტნიორი რესტორნებისთვის საკომისიოს აუქმებს!

January 29, 2021

lifekeepsmoving_bolt

Bolt 2020: #ვაგრძელებთმოძრაობას

December 21, 2020