ლანჩის იდეები სახლიდან მუშაობისთვის

June 02, 2021

Share
lunch

როცა სახლიდან მუშაობ და ლანჩის დრო ახლოვდება, მარტივია ერთი და იგივე, მოსაწყენი სენდვიჩით შიმშილის გადაგორება.

საბედნიეროდ, ჩვენ ლანჩის რამდენიმე რეცეპტი მოგიმზადეთ, რომელიც ჯანსაღი, მარტივი და გემრიელია! გვჯერა, ეს რჩევები შენს შუადღეს უფრო მრავალფეროვანს გახდის.

მაგრამ სანამ ლანჩზე გადავალთ, თუ ჯერ არ გისაუზმია, სცადე საუზმის ეს იდეები დღესვე. 

ჯანსაღი ლანჩი დამწყებებისთვის: ფერადი სალათი

ვისაც არ უნდა ჰკითხო ჯანსაღი ლანჩის შესახებ, სალათი ყოველთვის ტოპ მაგალითების სიაშია, რასაც რთულია არ დაეთანხმო – რა არის უფრო ჯანსაღი ვიდრე მწვანე ბოსტნეულის დიდი თასი? მაგრამ, მიუხედავად უამრავი დადებითი თვისებისა, სწორედ სიჯანსაღე ხშირად მოსაწყენთან, ან უგემურთან ასოცირდება.

best lunch ideas for your home office

Სწორედ ამიტომ, მოვამზადეთ რამდენიმე რჩევა, თუ როგორ უნდა გახადო შენი ჯანსაღი სალათი ნაკლებად მოსაწყენი:

  • ნუ შეჭამ მხოლოდ იმიტომ, რომ ჯანსაღია. არსებობს ნოყიერი და უგემრიელესი ჯანსაღი პროდუქტების დიდი არჩევანი, რაც ნიშნავს იმას, რომ სულ არ არის რომელიმე “სუპერფუდის” ყოველ დღე ჭამა საჭირო – თუ ის არც ისე გემრიელია, ჩაანაცვლე სხვა ბოსტნეულით.

  • მიირთვი ცისარტყელა. Რომელ დიეტოლოგს, ან ექიმსაც არ უნდა ჰკითხო, ყველა ერთ ხმად აღიარებს, რომ დღის მანძილზე რაც უფრო მეტი ფერის ხილს და ბოსტნეულს მივიღებთ, მით უფრო სასარგებლოა ეს ორგანიზმისთვის.

    სხვა და სხვა ჯანსაღი ნუტრიენტების გარდა, ფერადი სალათი შენი ინსტაგრამისთვისაც იდეალური ლანჩის ფოტოებით მოგამარაგებს.

  • გახდი დრესინგების მომზადების ექსპერტი. იცოდი, რომ ყველა დრესინგი, რომელიც სუპერმარკეტის ვრცელ რიგებში შეგიძლია იპოვო, სავსეა შაქრით, კონსერვანტებით და ბევრი სხვა უსარგებლო ინგრედიენტით?

    კარგი ის არის, რომ დრესინგების მომზადება უმარტივესია! სულ რამდენიმე ინგრედიენტის შეხამებით, არომატული და განსხვავებული გემოების მიღება შეგიძლია. მაგალითისთვის, აიღე რჩეული ზეითუნის ზეთი, შეურიე ახლად გაწურულ ლიმონის წვენს, ან ბალზამიკოს, და ჩართე წარმოსახვა – ეს სოუსი ყველანაირ სალათს უხდება.

სცადე ეს რეცეპტი: გემრიელობის დიდი თასი

ალბათ დაგვეთანხმები, რომ ბოლო დროს პოკეს თასები, ბურიტოს თასები და სხვა გემრიელობის თასები დიდი პოპულარობით სარგებლობს. ზუსტად ჩვენც არ ვიცით რამ განაპირობა ეს ბოლო დროინდელი ტენდენცია, მაგრამ ის ზუსტად ვიცით – თუ როგორ უნდა მოამზადო მსგავსი თასი თავად!

best lunch ideas_salad bowl

1. დაიწყე ბურღულეულით – თეთრი, ან ყავისფერი ბრინჯი, ატრია, ან რომელიმე სუპერფუდი – მაგალითად, ქინოა, ან წიწიბურა.

2. აირჩიე ცილა, მაგალითად გრილზე შემწვარი ქათამი, ორაგული, ან თუ ვეგეტარიანელი ხარ – ტოფუ და შავი ლობიო.

3. შემდეგ, ააწყვე ბოსტნეულის ფერადი პალიტრა: წვნიანი პომიდორი, გახეხილი სტაფილო, ყვითელი ბულგარული წიწაკა, იისფერი კომბოსტო და ბეეევრი მწვანე – ავოკადოს ნაჭრები, ისპანახი, ბროკოლი და სატაცური.

4. დაუმატე ტერიაკის, ან სრირანჩას სოუსი – უფრო განსხვავებული გემოსთვის.

5. და ბოლოს, მოაყარე გოგრის თესლი, ან სეზამის მარცვლები მეტი ხრაშუნისთვის.

ეს ლანჩი ერთნაირად ხასხასა და გემრიელია! რაც მთავარია, შეგიძლია საჭირო ინგრედიენტები კვირის დასაწყისში მოამზადო და შიმშილის მოახლოებისას, მხოლოდ სასურველი კომბინაციის აწყობაღა იქნება საჭირო.

სცადე სენდვიჩის ახალი კომბინაციები

Სენდვიჩი ლანჩის დროს ყველაზე ოპტიმალური გამოსავალია, რაც ლოგიკურია – სენდვიჩის ტარება ყველგან მარტივია და საჭმელად, დანა და ჩანგალიც არ არის საჭირო.

სენდვიჩის პრობლემა ერთია – ტრადიციულად, რაც უფრო გემრიელია სენდვიჩი, მით უფრო შორსაა ის ჯანსაღი ინგრედიენტებისგან. თუ ბავშვობიდან შენი ჩვეული კომბინაცია ორ ნაჭერ თეთრ პურში ჩადებული ყველი, ძეხვი და მაიონეზია, მაშინ დროა სიახლე სცადო.

best lunch ideas_sandwiches

ჯანსაღი ხორბლის ვრაპი თეთრი პურის მშვენიერი ალტერნატივაა. თანაც, ვრაპების მობეზრება რთულია – მისი აწყობა ხომ ძალიან ბევრნაირად შეიძლება.

ვიეტნამური სფრინგ როლიც ძალიან ჰგავს ვრაპს, მაგრამ ხორბლის პურის ნაცვლად, ბოსტნეული ბრინჯის ფირფიტებშია გახვეული. თუ ნახშირწყლებს საერთოდ ერიდები, მაშინ ვრაპის შესახვევად სალათის ფოთლებიც შეგიძლია გამოიყენო – შეახვიე ბოსტნეული და მეტი ნოყიერებისთვის, თინუსი, ან ქათმის ხორცი დაუმატე!

ამოგეწურა ლანჩის იდეები? მაშინ, ჩვენ აქ ვართ!

დატვირთული სამუშაო დღე გაქვს? თუ, ცარიელი მაცივარი? ამ საქმეს ჩვენ თუ მოგვანდობ, შიმშილი აღარ შეგაწუხებს! გახსენი Bolt Food-ის აპლიკაცია და აღმოაჩინე ჯანსაღი და გემრიელი კერძების დიდი არჩევანი.

კიდევ უფრო შესანიშნავი ის არის, რომ უამრავ რესტორანში დიდი ფასდაკლებით შეკვეთაც შეგიძლია.

კერძის შერჩევის შემდეგ კი, არჩევანი ისევ შენზეა – შეუკვეთე საყვარელი კერძები ადგილზე მიტანით, ან ისარგებლე გატანის ფუნქციით და მიაკითხე შეკვეთას თავად.

Მოკლედ, დღეს კარგ ლანჩს ნამდვილად იმსახურებ. გადმოწერე Bolt Food-ის აპლიკაცია.

GE bolt food app download

Share

ბოლო პოსტები

1200x628_buying a car_header2

7 რამ რასაც უნდა მიაქციო ყურადღება ავტომობილის შეძენისას

June 09, 2021

1200x628_postlockdown_travel with bolt

დაიწყე შენი პოსტ-ლოქდაუნის კვირა Bolt-თან ერთად

June 08, 2021

ავტომობილის მოვლის საუკეთესო გზები

May 31, 2021